‘n Tshwane-metropolisiebeampte is Maandag in hegtenis geneem nadat drie stelle plofstof, ‘n ongelisensieerde vuurwapen en ‘n gesteelde voertuig in haar besit gevind is.
Die polisie het ‘n klopjag op die 29-jarige konstabel se huis in Akasia uitgevoer, berig EWN. “’n Ondersoek sal uitgevoer word om uit te vind of die vrou ook aan ander misdade verbind kan word,” het Matthews Nkoadi, woordvoerder van die polisie, gesê. “Ons probeer uitvind of sy aan ander misdade, hoofsaaklik OTM-ontploffings, verbind kan word.”