Die Pretoriase Nasionale Dieretuin van Suid-Afrika hou vir die eerste keer in 12-jaar weer ʼn wit tier daar aan.
Die 4-jarige tier heet Winston en hy weeg nagenoeg 200kg. Hy moes verskeie gesondheidstoetse ondergaan wat deur dr. Gerhard Steenkamp van Onderstepoort uitgevoer is. Winston is vir ʼn tydperk in kwarantyn n die dieretuin se dierehospitaal aangehou as deel van hul dieregesondheidsprotokol. Hy gaan nou stelselmatig aan die dieretuin se Bengaalse tier, Leia, bekendgestel word sodra hy uit die hospitaal ontslaan word.