ʼn 47-jarige vrou is Dinsdagmiddag omstreeks 15:30 deur weerlig in Kilnerpark, Pretoria, getref.
Volgens Santi Steinmann, ʼn woordvoerder van Netcare911, was hulle kort na die voorval op die toneel en het paramedici die vrou langs ʼn pad op die grond aangetref. “Die vrou was by haar bewussyn en het gesê sy het langs die pad geloop toe die weerlig haar getref het. Die slag het veroorsaak dat sy val en haar been breek,” het Steinmann gesê. Die vrou is op die toneel gestabiliseer en na die Steve Biko-hospitaal geneem vir verdere behandeling.