ʼn Ma van Pretoria het haarself en haar 12-jarige seun Maandagaand by ʼn winkelsentrum vergas.
Volgens Jeffrey Wicks, ʼn woordvoerder van Netcare911, is Netcare911 paramedici en beamptes van die Tshwane-brandweer gisteraand na die Atterbury Mart-winkelsentrum in Faerie Glen ontbied.
“Na wat verneem word, het die vrou haarself en seun in ʼn voertuig toegesluit en hulle vergas. Die brandweer het die kar oopgemaak. Hulle was reeds dood toe paramedici hulle ondersoek en is op die dood verklaar.”
Die polisie ondersoek die voorval.