R3.9 miljoen ná ongeluk tydens pakslae

Die Durbanse hooggeregshof het die KwaZulu-Natalse onderwysdepartement beveel om ‘n skadevergoedingeis van R3.9 miljoen aan ʼn voormalige leerling, wat per ongeluk deur ʼn adjunkhoof geslaan is, te betaal.

The Mercury het Maandag berig die adjunkhoof, Moses Biyela, was besig om ʼn ander leerling met ʼn gordel te slaan, toe die punt van sy gordel Simphiwe Shange in sy oog getref het.

Die voorval het 10 jaar gelede by Hoërskool Gcwaluwazi in Eshowe plaasgevind, toe Shange in graad 9 was. Shange is sedert die hou gedeeltelik blind in sy regteroog.

Regter Judge Dhaya Pillay het bevind dat die LUR aanspreeklik gehou moet word vir die voorval.

Shange het geëis vir die verlies van inkomste, toekomstige oogbehandeling, spesiale skoolgeld, algemene skade, en regskoste.

– Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.