‘n Brug het Sondag op die R61 meegegee weens swaar reën Foto: Taurai Maduna/EWN
‘n Brug tussen Lusikisiki en Port St Johns het Sondag inmekaargestort weens swaar reënval.
Gure weersomstandighede is gisteraand in die Oos-Kaap ervaar. Owerhede doen ‘n beroep op motoriste, wat van die R61 gebruik maak, om versigtig te wees en gewaarsku dat watervlakke weer kan styg, berig EWN. “Die ineenstorting het tot dusver nie tot enige sterftes of beserings gelei nie,” het Mzukisi Fatyela, woordvoerder van die polisie, gesê.
Port Elizabeth-lughawe het ook Sondagmiddag alle vlugte opgeskort. Die lughawe is Maandagoggend om 05:00 weer vir lugverkeer oopgestel.
