ʼn Skrootwerf in Boksburg in die Oos-Rand moes ontruim word nadat radio-aktiewe materiaal Donderdag in een van die werkwinkels gevind is.
ʼn Groot gebied om die perseel in Main Reefweg is ook afgesper terwyl beamptes van die nasionale kernreguleerder ontbied is om verdere toetse te doen, berig EWN.
Volgens beamptes op die toneel is ʼn houer met die materiaal in die werkwinkel van die Sarie Scrap Metal-maatskappy gevind. Die maatskappy beweer die houer behoort aan ʼn ander skrootwerf, SA Metals van Elandsfontein, wat Donderdagoggend deur ʼn vragmotor daar afgelaai is.
William Nthladi van die nooddienste sê radiasievlakke bo die toelaatbare perk is opgespoor.
Beamptes was teen 13:15 nog besig met toetse by die perseel.
Seker van die Koeberg Kragsentrale-moere.