Argieffoto
ʼn Zimbabwiese landdros het ʼn man, wat skuldig bevind is aan 13 aanklagte van verkragting, tot 290 jaar tronkstraf gevonnis. Dit is die langste vonnis wat in die land se geskiedenis opgelê is.
Landdros Simon Rogers Kachembwe het vir Thomas Chirembwe (30) as “erger as ʼn wilde gedierte” beskryf wat uit die samelewing verwyder moet word, het staatsmedia Woensdag berig.
Chirembwe het Dinsdag in die hof skuldig gepleit, maar het die landdros gevra om vrygewig te wees en hom ʼn korter tronkstraf vonnis op te lê.
Sy vonnis is met ʼn groot toejuiging van die man se slagoffers ontvang, terwyl Chirembwe se familie buite die hof gehuil het.
ʼn Minister van Zimbabwe het onlangs voorgestel dat veroordeelde verkragters “chemies gekastreer” moet word deur hulle met ʼn middel in te spuit wat hul testosteroonvlakke en gevolglik ook hul seksdrange verlaag.
– SAPA
Kom Zuma gaan steek kers op by jou groot oompie.