‘n 40-jarige man is Woensdag by die internasionale lughawe in Kaapstad met gesteelde goedere ter waarde van R204 000 betrap.
Frederick van Wyk, woordvoerder van die polisie, sê 20 selfone, twee videokameras, twee iPods, twee skootrekenaars, digitale kameras, en 17 geheuestokkies was in sy bagasie versteek. Twee van die selfone en ‘n skootrekenaar kon aan ‘n rooftog in Ocean View gekoppel word, berig EWN. Die man is oorspronklik van Nigerië.
