Rowers beroof Atterbury-winkelsentrum, glo vasgekeer

ʼn Groep gewapende mans het na bewering ʼn winkel beroof in die Atterbury Value Mart in Pretoria.

Volgens EWN het die rooftog by die Nike winkel plaasgevind. Die rowers het glo op die vlug geslaan en Menlyn inkopiesentrum binnegestorm. Van die verdagtes is glo nog in die inkopiesentrum. Die vier mans het na bewering polisielede van hulle wapens beroof naby Atterbury Value Mart voor hulle die rooftog uitgevoer het en na Menlyn inkopiesentrum gevlug het. Volgens verskeie berigte op sosiale netwerke is Menlyn ontruim en is daar ʼn sterk polisie teenwoordigheid in die gebied. Die polisie het glo reeds van die verdagtes in hegtenis geneem.