ʼn Groep rowers is op heterdaad betrap terwyl hulle Vrydag ʼn huis in Pinetown in KwaZulu-Natal beroof het terwyl die eienaar van die huis vasgebind was.
Kapt. Thulani Zwane, woordvoerder van die polisie, sê daar is ʼn TV, luidsprekers en alkohol in die vyf mans se besit gevind. Een van die rowers het op die polisie losgebrand waarna die polisie teruggevuur het. Die skieter het op die vlug geslaan terwyl sy vier medepligtiges in hegtenis geneem is. Die verdagtes sal Maandag in die Pinetown-landdroshof verskyn.
