Anneline Mouton word terugverwelkom op die lughawe
Die Cape Argus het berig dat die voormalige IT-klerk Anneline Mouton (37) Donderdag in Kaapstad geland het. Sy is in 2004 in hegtenis geneem toe polisie 674 gram heroïen in haar skoene opgespoor het. Haar saak het twee jaar geneem om in die hof te verskyn en sy is uiteindelik tot tien jaar gevangenisstraf gevonnis. Luidens die berig was sy in daardie stadium vier maande swanger, maar sy het die baba verloor terwyl sy in die tronk was. Sy het glo gesê: “Jy weet jy pleeg ʼn misdaad, ja, ek het iets gedoen. Ek het iets verkeerd gedoen, ek is baie jammer ek het dit gedoen.”
