SA-fotograaf glo in Egipte aangehou

Adil Bradlow. Foto: McClatchy Blog

Adil Bradlow. Foto: McClatchy Blog

Die departement van internasionale betrekkinge en samewerking het Vrydag gesê hy is nog nie bewus daarvan dat Adil Bradlow, ‘n Suid-Afrikaanse kameraman en fotograaf, deur die Egiptiese owerheid in Kaïro aangehou word nie.

Clayson Monyela, woordvoerder van die departement, het aan OFM gesê hy het pas van ‘n besoek aan Malaysië teruggekeer en sal vandag met die owerhede in Kaïro kommunikeer om meer inligting oor die situasie te bekom.

Die TV-nuusdiens Al Jazeera het Donderdagaand bekend gemaak dat Bradlow en nog drie van sy werknemers, Wayne Hay, Russ Finn en Baher Mohammed sedert Dinsdag in Egipte aangehou word. Die span was daar om oor die voortdurende onluste te berig. Die nuuskanaal het die Egiptiese owerhede versoek om die vier onvoorwaardelik vry te laat.

Bron: OFM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.