SA-fotograaf vrygelaat

Adil Bradlow. Foto: McClatchy Blog

Adil Bradlow. Foto: McClatchy Blog

Egiptiese owerhede het Adil Bradlow, die Suid-Afrikaanse kameraman en fotojoernalis wat in die land aangehou is, vrygelaat, het die regering Sondag bevestig.

“Bradlow is op pad na die lughawe in Kaïro,” het Clayson Monyela, woordvoerder van die departement van internasionale betrekkinge, kort ná 15:00 aan SAPA gesê. Bradlow sal uit Egipte na die Verenigde Koninkryk vlieg. “Hy is op pad na Engeland; hy het Egipte met ‘n Britse paspoort betree. Hy sal vandaar na Suid-Afrika terugkeer.”

Monyela wou nie enige verdere besonderhede oor die vrylating bekend maak nie.

Bradlow het nuusgebeure in Kaïro vir Al Jazeera gedek toe hy verlede week Donderdag saam met drie kollegas aangekeer is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

snapalot ·

Hoeveel Suid-Afrikaners is in aanhouding sonder dat die breër publiek daarvan weet?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.