Tatjana Schoenmaker (silwer) en Lara van Niekerk (goud) het skitterend in die eindronde van die 200 m-borsslagitem geswem. Foto: Oli Scarff/AFP.
As ’n mens so na die Statebondspele in Birmingham kyk, dan is die toekoms van Suid-Afrikaanse swem ongetwyfeld in bekwame hande.
Lara van Niekerk het sopas die eindstryd van die 100 m-borsslagitem in ’n tyd van 1:05.47 gewen, terwyl Tatjana Schoenmaker (1:06.68) die silwermedalje ingeoes het.
Dit is die jong Van Niekerk se tweede goue medalje van die Spele nadat sy vroeër die 50 m-borsslagitem in ’n rekordtyd gewen het.
Schoenmaker was weliswaar die sterkste uit die wegpsringblok, maar haar jong spanmaat het met haar krag beïndruk en het uiteindelik net te veel skietgoed gehad.
Kaylene Corbett (1:07.62) was sewende in die einste item.
???????????? Lara ????
???? ????♂️???????? Tatjana????????????????????????????
It's gold and Silver for South Africa. Halala ladies, halala
????????????????????????????????#B2022 #TeamSA pic.twitter.com/lejJkcPzR3— Team South Africa (@TeamSA2024) August 2, 2022
Dan het die opwindende Pieter Coetzé weer eens met ’n bobaas eindpoging vorendag gekom om die bronsmedalje in die 200 m-rugslagitem in te oes.
Hy het veral oor die laaste 50 m gewoeker om die resies in ’n tyd van 1:56.77 te voltooi.
Uitslae:
100 m-borsslag:
- Lara van Niekerk 1:05:47
- Tatjana Schoenmaker 1:06.68
- Chelsea Hodges 1:07.05
- Molly Renshaw 1:07.36
- Abbey Harkin 1:07.47
- Jenna Strauch 1:07.60
- Kaylene Corbett 1:07.62
- Kara Hanlon 1:08.67.
200 m-rugslag:
- Brodie Williams 1:56.40
- Bradley Woodward 1:56.41
- Pieter Coetzé 1:56.77
- Mitchell Larkin 1:56.91
- Luke Greenbank 1:56.98
- Joshua Edwards-Smith 1:57.50
- Craig McNally 1:58.65
- Jay Lelliott 2:01.64.
BRONZE for Coetze!
Great swim by Pieter Coetze.
Another treasure from the pool from SA, well done. #TeamSA #B2022 pic.twitter.com/MT9EHiBWQV
— Team South Africa (@TeamSA2024) August 2, 2022
Dit is nou mense waarop ons trots kan wees.
Baie geluk! Julle jongetjies maak ons harte bly.
Sjoe my bors swel van trots vir die pragtige dames wat ons land verteenwoordig. Baie geluk dames met julle prestasies , julle is goud werd. Mag julle van krag tot krag gaan.