1 dood, 2 kritiek beseer tydens gru-ongeluk

Die gru-toneel. (Foto: Verskaf)

Een persoon is dood en twee ander enstig beseer in ʼn motorongeluk tussen ʼn vragmotor en twee motors op die M7-ooswaarts in Durban, KwaZulu-Natal.

Volgens Garrith Jamieson, woordvoerder van Rescue Care-nooddienste, is paramedici net ná 11:00  ontbied na die toneel op Edwin Swalesweg in die rigting van die Bluff waar die vragmotor en motors onder die N2-brug op die snelweg gebots het.

“Met hul aankoms op die toneel het paramedici ʼn absolute slagting aangetref nadat ʼn vragmotor beheer verloor en teen twee motors gebots het voordat hy teen die pilare van die brug gebots het,” het Jamieson gesê.

Die gru-toneel. (Foto: Verskaf)

Twee mense was vasgekeer in die wrak van die vragmotor terwyl die bestuurder uit dié voertuig geslinger is. Een van die passasiers het noodlottige beserings tydens die botsing opgedoen. Paramedici kon niks vir hom doen nie en hy is op die toneel dood verklaar.

Die bestuurder en ander passasier het kritieke beserings in die voorval opgedoen. Hulle is op die toneel behandel voordat die bestuurder per helikopter na ʼn nabygeleë hospitaal vervoer is. Die passasier is per ambulans na ʼn hospitaal gehaas, het Jamieson gesê.

Een van die passasiers in ʼn motor is ook beseer tydens die voorval.

Jamieson het motoriste gemaan om van alternatiewe roetes gebruik te maak aangesien die toneel nog skoongemaak moet word wat ʼn ruk sal duur.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Jannie

Maak bekend en vervolg die eienaar van die trok wat die trok nie onderhou het nie.

Johan

Jannie wat laat jou besluit die trok is nie goed onderhou deur die eienaar nie?

DV

So gereeld as klokslag verloor bestuurders beheer.
Wat moet die gemiddelde en goed opgeleide bestuurder hier van dink???

DV

Man ons aanvaar zoos Jannie se Al die voertuie o pad waardig is??

Penellope Jones

Bring terug spoorvervoer, vragmotors moet van die paaie afgehaal word.