10 studente vas ná geweld by Rhodes-Universiteit

Betogings by Rhodes-Universiteit (28 September 2016) Foto: Skermskoot uit Oppidan Press-video

Betogings by Rhodes-Universiteit (28 September 2016) Foto: Skermskoot uit Oppidan Press-video

Minstens 10 studente is Woensdag by Rhodes-Universiteit in Grahamstad in hegtenis geneem ná ʼn betoging oor studentegeld tot chaos en gewelddadige optrede gelei het.

Video’s op Oppidan Press se Twitter-blad wys hoe studente deur polisiebeamptes gesleep en daar op hulle geskiet word (video’s volg onderaan die berig).

Leila Kidson, aanlynredakteur van Oppidan Press, het aan African News Agency (ANA) gesê sy het gesien hoe die polisie “gewelddadig” teen betogende studente optree.

“Die universiteit is al verlede week gesluit. Gesprekke tussen die bestuur en studente het tot Dinsdag goed gevorder tot hulle bloot alle eise geweier het,” het sy gesê.

Volgens Kidson sal lesings na verwagting volgende week Woensdag hervat, maar sommige studente het klasse in die regsfakulteit ontwrig. Sy het gesê studente het ʼn kruising versper en chaos het uitgebreek toe een van die betogers ʼn polisievoertuig met ʼn klip bestook het.

“Die polisie het begin skiet en die studente het na die kampus teruggehardloop, maar selfs nadat die studente weggehardloop het, het die polisie oor die heining bly skiet,” het sy beweer. “Een van die studente het probeer om oor ʼn muur te spring, maar die polisie het hom teruggetrek en gesleep. Ek het gesien hoe studente in die kop en arm skiet. Hulle het gebloei.”

Lt. Luvuyo Mjekula, woordvoerder van die polisie, het gesê 10 studente is in hegtenis geneem. “Vyf van die studente is in hegtenis geneem op aanklag dat hulle ʼn hofinterdik verontagsaam het, die ander vyf studente staan tereg op aanklag van opsetlike saakbeskadiging.”

Lees alle vorige berigte oor studentebetogings op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
William

Ag shame. Nou is die polisie weer verkeerd. Betogers is mos altyd reg

popeye

Ek wil net weet van die ANC wat die siening huldig van ” The Majority Shall Rule” hierdie terroriste is in die minderheid….so wat nou, ek is regtig deurmekaar! Of dom!

Lance

Hehe hulle is reeds vrygelaat …wat n joke is die reg in die land nie !

RK

Dis sleg dat kinders toegelaat word om die wêreld te ontwrig. Dit wys net wat weet hulle….. nie veel nie. Alles is vir hulle ‘n reg….. Patetiese opvoeding deur hulle ouers!

Jan

Na aanleiding van die video wil ek ne se dat ek reuse respek het vir hierdie polisielede. Dit kan nie maklik wees om koelkop en kalm te bly in so situasie nie en tog het hulle die ding baie professioneel hanteer. Hulle het heel netjies bloot die klipgooiery stop gesit en die arrestasies gedoen sonder om onnodig (rubber) te skie t of hardhandig te wees.