11 metrobeamptes vas vir aanranding

‘n Foto van een van die mans wat glo deur TMPD-beamptes aangerand is.

Elf beamptes van die Tshwane-metropolisie (TMDP) sal Maandag in die hof verskyn op aanklagte van aanranding.

Die 11 beamptes is Vrydag in hegtenis geneem in verband met ’n voorval vroeër die maand waar drie lede van die publiek glo in die Pretoriase middestad aangerand is.

Die drie individue is glo aangerand toe hulle probeer het om ’n voertuig terug te kry wat op 2 Oktober deur TMPD-beamptes geskut is.

Veiligheidsbeamptes het die mans glo toegang tot die perseel geweier, waarna talle metrobeamptes glo uitgekom en hulle aangerand het. Die mans is glo onder meer met sambokke geslaan. Volgens die TMPD het die mans met geweld die voertuig probeer terugkry.

“Die TMPD het onmiddellik met ’n ondersoek begin toe hy van die voorval in kennis gestel is,” het sr.supt. Isaac Mahamba, TMPD-woordvoerder, gesê.

Die onafhanklike polisie-ondersoekeenheid (Opod) het ook onmiddellik die saak begin ondersoek en dit het tot die inhegtenisneming van die verdagtes gelei. Volgens Grace Langa, woordvoerder van Opod, is twee van die verdagtes vroue.

Mahamba het gesê die TMPD veroordeel enige voorvalle van hierdie aard en dat interne stappe gedoen sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Gerd Lourens

Dagvaar die lafhartige skuim!!!

Pablo

Lekker ANC wet en orde. Regte bos kultuur.

Duwweltjie

Polisie brutaliteit is nou aan die orde van die dag.

Boerseun007

begin van die einde!!! ek sê nog steeds Ons wit Suid Afrikaaners moet ons eie thuisland kry, met ons eie polisie waar ons ons eie kultuur kan beoefen soos die Amerikaanse Indiaane. Ons is n plaag vir die ANC en EFF.

Shakespeare

Dank hulle af. Stuur hulle tronk toe en maak n voorbeeld van hulle vir die res vd gemors.