11 petrolbomme naby Carletonville gevind

Argieffoto

Polisiebeamptes het Vrydagoggend 11 petrolbomme by ʼn taxistaanplek in Blybank naby Carletonville gevind nadat drie huise in die gebied gister met petrolbomme bestook is.

Brig. Mathapelo Peters, woordvoerder van die polisie, sê die gebied loop sedert November verlede jaar onder erge geweld deur. Gister is twee huise in Thembelihle en een huis in Phomolong met ʼn petrolbom getref. Altesaam 23 huise is sedert verlede jaar met petrolbomme bestook.

“Gisteraand het inwoners ook skote gehoor uit die naburige Mphahlwa-nedersetting,” sê Peters.

Altesaam 40 verdagtes is sedert November verlede jaar in die omgewing in hegtenis geneem op verskeie aanklagte insluitend aanranding, voertuigkaping, diefstal, openbare geweld, brandstigting en intimidasie.

“Diegene wat aanhou om die wet te ondermyn deur misdaad te pleeg en dan agter stakings weg te kruip, sal in hegtenis geneem word en die volle krag van die wet ervaar,” sê Peters.

Polisiebeamptes is steeds in die gebied ontplooi en sal daar bly totdat orde herstel is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

11 Kommentare

Cherokee ·

Baie dankie Anitiag, vir jou vriendelike verduideliking selfs met ‘n skakel en fotos van Blybank. Dit was nou spesiaal!
Ek het in Carletonville gewoon tot 2004. Dit sal volgende maand 15 jaar wees sedert ek Callies gegroet het en het verlede Kersfees in Fochville gekuier.
My vraag was oor die drie vreemde name. Ek lei af dit is woonbuurte by Bank. Wat word die woonbuurt tussen Carletonville en Welverdiend genoem?
Weereens, dankie vir jou antwoord.

willem Botha ·

Die probleem het in november 2018 begin ,ons trek by maart 2019 en die saps sukkel nog steeds ek wonder of hulle die jaar of miskien volgende jaar weer wet en orde sal kan handhaaf in die gebied of is dit te veel om te verwag.

Michael ·

Jissie kan hulle nie n goedkoper bom gebruik nie. Petrol is dan nou so duur.

Helien ·

Hoe bou n mens n land as daar soveel geweld, bedrog en moord is. Ek wonder net

Tong innie kies ·

Hulle het ook besef hoe duur dit geword het. Dis hoekom hulle nog oor het. Hulle het spaarsamigheid geleer… Yeah right!

Anna de Lange ·

Bly al 42jr in Carletonville. Oberholtzer. Nog nooit van daardie nedersettings gehoor nie. Sal bietjie navrae doen. Groot skok om sulke nuus hier te lees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.