Argieffoto
Elf mense, waaronder drie kinders, is Sondagaand dood nadat twee motors in Limpopo gebots het.
“Die ongeluk het op die N1-snelweg naby die Mookgophong (Naboomspruit)-afrit plaasgevind,” het Kagiso Mootane, ʼn woordvoerder van die provinsie se verkeerspolisie, Maandag gesê.
ʼn Mazda en Volkswagen, wat onderskeidelik ses en vyf mense vervoer het, was in die ongeluk betrokke. Die kinders wat oorlede is, is tussen vier en ses jaar oud.
Die oorsaak van die ongeluk is nog nie bekend nie. Die polisie ondersoek die saak.
