11 vas ná busse brand

Die busse wat verwoes is. (Foto: Verskaf)

Elf verdagtes is Woensdag in Villa Nora buite Lephalale in Limpopo in hegtenis geneem nadat ontstoke lede van die gemeenskap twee busse aan die brand gesteek het.

Dít volg ná verskeie voorvalle in die Dipompong-nedersetting waar lede van die gemeenskap hulle tot gewelddadige protesaksies gewend het. Paaie is ook tydens dié protesaksies met klippe versper.

Volgens kol. Moatshe Ngoepe, polisiewoordvoerder, is bykomende lede van die polisie se eenheid vir openbare orde gedurende dié protesaksies ontplooi om die plaaslike polisie by te staan en die situasie onder beheer te bring.

Die verdagtes, tussen 25 en 38 jaar oud, sal binnekort in die Phalala-landdroshof op aanklagte van openbare geweld en kwaadwillige saakbeskadiging verskyn.

Ngoepe sê nog inhegtenisnemings sal na verwagting volg.

“Lede van die gemeenskap word aangemoedig om die nodige regsprosesse te volg wanneer hulle besware teen enige entiteit wil opper, eerder as om tot geweld oor te gaan. Dié gedrag word nie deur die polisie geduld nie,” sê Ngoepe.

Paaie is ook tydens dié protesaksies met klippe versper. (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Carel

Ha ha ha “vas”
VASbeslote om weer te brand
Ons regstelsel is n grap

Db

Waar de swernoot kry hulle al die klippe vandaan? Tot in die stede is daar klippe. Lyk my dit kan ‘n lonende besigheid word om klippe aan te ry en te verkoop

John

Limpopo… Hoeveel van daai mense is in SA gebore? Hulle sal nie in Zim so aangaan nie.

Johanna Botha

Vas maar niks gebeur nie ?

Thinus Erasmus

Ek sal graag sien dat die staat – die SA regering – alle skade wat tydens protesoptredes gely word, finansieel vergoed soos bv. die padongelukke fonds. Dit moet egter gratis wees, nie soos versekering wat jy uitneem nie, en dit moet deur BTW en selfoonbelasting (daar kan gerus ‘n ekstra belasting op selfoon lugtyd gehef word) befonds word.
Dit is die enigste belasting wat molesmakers wel betaal.