113 kinders sterf weens wanvoeding in Gauteng

Argieffoto (Foto: Unsplash, Pixabay)

Argieffoto (Foto: Unsplash, Pixabay)

Altesaam 113 kinders is tussen April 2015 en Maart 2016 in Gauteng dood weens wanvoeding, het die Demokratiese Alliansie Sondag gesê.

“Dié skokgetal is Vrydag deur Qedani Mahlangu, provinsiale LUR vir gesondheid, bekend gemaak by ʼn komiteevergadering,” het DA-LP Jack Bloom gesê.

Volgens ʼn dokument wat tydens die vergadering voorgelê is, was daar 3 040 nuwe sake van erge wanvoeding, met 1 512 toelatings en 113 sterftes weens erge wanvoeding, het hy gesê.

Volgens die dokument is “foutiewe kliniek-assessering, klassifikasie en bestuur van erge akute wanvoeding” ook ʼn uitdaging.

Mahlangu het gesê sake van wanvoeding neem toe en ʼn geïntegreerde benadering moet gevolg word wat gemeenskappe en die departement van maatskaplike ontwikkeling insluit.

“Ek is geskok dat soveel kinders aan hongersnood kan sterf in ʼn stedelike provinsie soos Gauteng wat die hulpbronne het om seker te maak dat almal kos kry,” het Bloom gesê. “Die wanvoedingsterfgetalle moet ʼn wekroep wees dat meer gedoen moet word om die persone te identifiseer wat hulp benodig. Dit wys ook op die dringende behoefte aan werkskepping om seker te maak mense het geld om vir hulself te sorg en nie afhanklik te wees van welsyn nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
ig

Waar vra ons vir hulp?

Marie Salzwedel

En mense moet nie net kinders kry om vir subsidies te kwalifiseer nie!!!!!

Hendrik

ek. Mênse is nie bekommerd nie. Die staat sal sorg met ons klein persentasie belasting betalers wie al minder word. Hoeveel van dié belating betalers en werkloses lewe ook maar net net.

Liana

Ek verstaan nie hoe werk mense se kop nie . As hulle nie eers n werk het of geld het nie het hulle n paar kinders. Hoekom? Die ouer of ouers moet op een of ander manier verhoed word as hulle nie vir kinders kan sorg d.w.s nie kan kos gee nie. Daar is soveel slim mense op aarde , werk asb iets uit om nie situasie te vererger deur net kos te gee sodat hulle dan weer krag het om weer kinders te kan maak nie. Dit is mos die ouer of ouers se verantwoordelikheid om vir kinders te… Lees meer »

Jo-anli

My man kry n klein pensioen, ekt
gaan aansoek doen by Sassa. Aan my is gesê en het bewys ek kan nie kry nie, ons het n huis ons huur nie dus maak dit ons ryk. ons inkomste in onder R5000 per maand. Krag water belasting tel mediese uitgawes elke masnf. Daar bly niks oor.