Die polisie en Missing Children South Africa is op soek na Justin Lee Jacobs (12) wat sedert Saterdag vermis word nadat hy ʼn Kaapse Klopse-parade in Belhar bygewoon het.
Volgens Michelle Knowles, ʼn woordvoerder van Missing Children, het Jacobs bruin oë, swart hare, tande wat effens uitsteek en hakkel hy ʼn bietjie.
Hy het ʼn blou T-hemp, driekwart denimbroek en blou denimtekkies aangehad toe hy die laaste keer gesien is.
Mense wat hom sien, kan Missing Children by 072 647 7464 bel.