12 sterf in Worcester-ongeluk

Die ongeluk op 24 Desember 2016 op die N1, ongeveer 10 km buite Worcester in die Wes-Kaap. Foto: ER24

Die ongeluk op 24 Desember 2016 op die N1, ongeveer 10 km buite Worcester in die Wes-Kaap. Foto: ER24

Minstens 12 persone is dood in ʼn ongeluk op die N1, ongeveer 10 km buite Worcester in die Wes-Kaap.

Werner Vermaak, woordvoerder van ER24, het gesê ʼn bus en ʼn taxi was in die ongeluk betrokke. “Paramedici is net voor 05:00 na die toneel ontbied waar die meerderheid van die passasiers steeds in die wrak van die taxi vasgekeer was,” het hy gesê.

“Twaalf persone, insluitend ʼn dogtertjie en ʼn seuntjie, het noodlottige beserings opgedoen. Nog ʼn kind, tussen vier en sewe jaar oud, en ʼn volwassene was in ʼn kritieke toestand. Hulle is na Worcester- provinsiale hospitaal geneem. Die volwassene het ongelukkig aan sy beserings beswyk met sy aankoms by die hospitaal.”

Die busbestuurder het ernstige beserings opgedoen. Hy was in die wrak vasgekeer en die metropolisie se reddingsdiens moes van gespesialiseerde toerusting gebruik maak om hom te bevry.

Verskeie persone, wat geringe beserings opgedoen het, het op die toneel rondgestaan. “Hulle het gesê hulle was passasiers in die bus,” het Vermaak bygevoeg.

Plaaslike owerhede stel verder ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Johan

Dit is net vir my of daar vreeslik baie taxis hierdie jaar in verkeersongelukke betrokke is.
Wonder of daar statistiek gepubliseer gaan word.
Of is ek verkeerd?

Uiltjie

Wat gaan aan? Ongeluk op ongeluk, op ongeluk? Sterkte aan naasbestaandes. Wetgewing moet gemaak word DAT alle langafstand taxis twee drivers moet he! Of het hulle weer in die ry van driver gechange?

Johan lesch

Wat my kwaad maak is dat wets toepassing bestaan uit spoed lokvalle en so veel as moontlik boetes skryf. Maak eerder seker voertuie is padvaardig en bestuurder kry lisensies op n wettige manier.

Tromp-op

Tromp-op botsing? Dit lyk asof die bus vir die taxi probeer uitswaai na links en die taxi toe dieselfde gedoen het. Daar is sovele van hierdie ongelukke dat daar werklik ‘n nuwe verkeersreël gemaak kan word nl. “Die oortreder wat aankom in die verkeerde baan is die een wat heeltemal verder na sy regterkant toe moet uitswaai en selfs dan van die pad moet afry indien nodig. Dit maak ook nie saak of hy dan teen ‘n krans af val, in ‘n rivier beland, teen mure/walle/bome vasry of wat ookal dan op sy ‘pad’ kom. Natuurlik sal die een wat… Lees meer »

KP

Daar is geen respek vir wette deur taxis op paaie. Sal nog erger word.