13-jarige by laerskool doodgesteek

Argieffoto bloot ter illustrasie. (Foto: Unsplash)

ʼn 13-jarige leerder aan ʼn laerskool in die Vrystaat is Vrydag deur ʼn medeleerder voor haar klasmaats en onderwysers doodgesteek.

Phemelo More, ʼn gr. 7-leerder aan die Senzile Combined School in Hertzogville, is deur ʼn gr. 6-leerder van ʼn naburige skool met ʼn skerp voorwerp gesteek. Die voorval het op die skoolterrein, ten aanskoue van ander leerders en onderwysers, plaasgevind.

Die Vrystaatse departement van onderwys het sy skok met die voorval uitgespreek en gesê dat skole plekke van onderrig en nie sentrums van geweld behoort te wees nie.

Die polisie ondersoek nou die saak.

Phemelo is die derde Vrystaatse leerder in drie weke om deur ʼn medeleerder doodgesteek te word.

In ʼn ander voorval Donderdag het ʼn 22-jarige leerder ʼn medematrikulant tydens ʼn ete by ʼn matriekkamp in Bloemfontein doodgesteek. Dit kom slegs twee weke nadat ʼn gr. 11-leerder aan Lerato Thando Secondary School in Harrismith  ʼn gr. 9-leerder aan dieselfde skool met ʼn mes doodgesteek het.

“Ons vra ons skole se bestuur, beheerliggame en leerders om veiligheidsmaatreëls by skole te verskerp en hande met plaaslike polisiestasies te neem. Leerders moet ook ophou om gevaarlike items en wapens skool toe te neem,” het Howard Ndaba, woordvoerder van die Vrystaatse departement van onderwys, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Gert

Hoe verantwoordbaar is daai 13 jarige leerder en wat gaan met hom of haar gebeur? Nog nie eers in die hoërskool nie en klaar n moordenaar

Sarel

1. Leerder van ander skool….hoekom was die persoon
Op die Terrein
2. 22 Jaruge Leerder….wat soek die persoon nog in die skool???

Sarel

Onderwysers & Beheerliggamec word nie tiegelaat om.pp te tree nie. Pas Dkoolhoof disdipline toe
Word hy geskors…

Anel

Nou wonder ek hoe oud is die moordenaar. Want die een wat dood is, was 13 en in gr 7. Die moordenaar is in gr 6. Seker baie ouer as wat veronderstel is om te wees. Soos die een van 22 wat in matriek is en ander mayriek dood steek. En nou wil die regering hê diesulkes moet saam ons kinders skool gaan!!! Dit is ook die lot wat op ‘n stadium die land moet regeer, dokters word ens!!! En wst ons in diens moet neem, of…..!! Behoede ons!!!!

AW

Hierdie berig sê vir my dat daardie kind in ń disfunksionele gesin/omgewing lewe !!

Ongeag ń kind se velkleur en of gekoof , sulke dinge mag nie en moet nie gebeur.

So,

Waar en Hoe is daardie kind gefaal!!

Meeste kinders in SA, word deur n enkel ouer “versorg” of deur n Ouer Broer of Suster, of deur die ouma of n ander Famikie lid.

Al het n Kind ń Moeder en Vader, beteken dit ook nie dat daar aan die kind secmens wees op alle vlakke voorsien word nie.

Werkkik Hartseer.