13-jarige in hof ná moord op klasmaat

hof-hamer

Argieffoto

ʼn 13-jarige leerder sou Woensdag in die hof verskyn het op aanklag van moord op ʼn klasmaat.

Volgens kapt. Sam Tselanyane, woordvoerder van die polisie, is die leerder Dinsdag in hegtenis geneem nadat hy glo sy 14-jarige klasmaat in die Mateane Primary School in Delareyville in Noordwes met ʼn skêr doodgesteek het.

Tselanyane sê dat die slagoffer gevra het om die klas te verlaat om sy hande te gaan was aangesien dit tyd was vir die leerders se maaltye wat deur die regering se Nasionale Skoolvoedingsprogram aan behoeftige leerders by die skool verskaf word.

“Die verdagte is ook buitentoe. Ons weet nie presies wat gebeur het nie, maar toe die slagoffer terugkom, is hy met ʼn skêr gesteek,” sê Tselanyane.

Hy sê dat die slagoffer terug klaskamer toe is waarna hy weer na buite geneem is. Hy het daar inmekaargesak. Die skoolhoof is ontbied en die slagoffer is na ʼn kliniek in Atamelang geneem waar hy dood verklaar is, sê Tselanyane.

Die departement van onderwys in die Noordwes het gesê hulle is hartseer om van die voorval te verneem.

Freddy Sepeng, woordvoerder van die departement, sê ná die voorval is die nodige reëlings getref om berading aan die skool se personeel en leerders te bied.

Dié voorval volg enkele dae nadat ’n ouer ’n onderwyser by Laerskool Leema in Tlhatlhaganyane, ongeveer 60 km van Rustenburg, aangeval het.

Die ouer, Itumeleng Letsepe, het na bewering die onderwyser, Mpuseng Sepotokele, met ʼn sambreel aangeval nadat sy die onderwyser daarvan beskuldig het dat sy haar kind glo sleg behandel.

Letsepe is in hegtenis geneem en sal na verwagting op 4 Maart weer in die Mankwe-landdroshof in Mogwase verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Thinus

En nou wil Lesufi sulke kriminele in ons Afrikaanse skole loslaat om ons kinders se lewe in gevaar te stel? Bly net waar julle is…

honourable member

Se ek ook Thinus. 13 en klaar n moordenaar. Ons het nie sulke mense in ons skole nodig nie.

Sorry om te sê

Wat jy saai sal jy maai ook. Baie geluk aan die anc met hulle GEEN LYFSTRAF beleid. Ja Thinus die hoeveelste geval is dit nou al van moord, poging tot moord, aanranding met die doel om ernstig te beseer, verkragting, gewone aanranding, intimidasie en raai wie is ALTYD betrokke.

zeno

Die Ja stemmers vand destyds moet nou antwoorde gee. Ek`s bly ek is nie onders hulle nie.

Snowball

SA se geweldadige samelewing word weerspieël in ons skole. Kinders mimiek waarmee hulle grootword en waaraan hulle elke dag blootgestel word. Gruwelik!