Die liggaam van ʼn 14-jarige meisie is Sondag in Seshego buite Polokwane in Limpopo gevind nadat sy sedert die begin van die maand vermis word. Haar liggaam was gedeeltelik verbrand.
Morongwa Marakalala is op 5 Mei omstreeks 21:30 as vermis aangemeld. Die polisie van Senwabarwana in Seshego in Limpopo en lede van die gemeenskap het dadelik ʼn soektog van stapel gestuur.
Ná ʼn twee week lange soektog is die meisie se verkoolde liggaam toe op ʼn koppie in die Senwabarwana-gebied buite Seshego ontdek.
Brig. Motlafela Mojapelo, woordvoerder van die polisie, sê inwoners van die Silvermine-nedersetting het verlede Maandag die huis van ʼn 63-jarige vrou afgebrand omdat hulle geglo het sy was betrokke by Morongwa se verdwyning. Hulle het dié vrou en haar familie van heksery beskuldig.
Mojapelo sê 13 verdagtes is daarna in hegtenis geneem op aanklag van brandstigting. Hulle sal weer na verwagting Donderdag in Senwabarwana se landdroshof verskyn waar hulle formeel om borgtog kan aansoek doen.
Lt.genl. Nneke Ledwaba, die provinsiale kommissaris van Limpopo, het sy misnoeë uitgespreek oor die wreedaardige moord op die kind. Hy het die polisie se ondersoekspan opdrag gegee om so gou moontlik die moordenaars op te spoor.
“Ek waarsku die lede van die gemeenskap om nie die reg in eie hande te neem nie, maar om eerder die polisie te help in hul ondersoek om die skuldiges op te spoor,” het Ledwaba gesê.
Enigeen wat inligting het wat tot die inhegtenisneming van die skuldiges kan lei, kan die ondersoekbeampte Albert Manaka by 082 414 6634 of die misdaadlyn by 08600 10111 kontak.
Die bundu geregtigheid sal aanhoy terwyl die polisie nie hul kant bring nie
Heksery….sekeres glo darem aan teveel bog!!
Snaaks lees twee berigte vanoggend. Een waar die Polisie gekritiseer word omdat hulle wou wag vir toetusting pm liggaam uit pyp te verwyder en tweedens waar ‘n Gemednskap ‘n ou vrou se huis afbrand en kind se verkoolde liggaam gevind is, sonder kritiek van die mense wzt altyd gereed staan om.klippecte gooi
Laat mens dink