Veertien skoliere is Donderdagmiddag beseer nadat die taxi, waarin hulle gery het, in Durban ʼn botsing betrokke was.
Garrith Jamieson, woordvoerder van Rescue Care, het gesê die taxi het eers ʼn motor getref voor dit teen ʼn boom op die hoek van Candellaweg en Westmeathlaan in Bonela, Durban, tot stilstand gekom het.
“Paramedici het omstreeks 15:00 by die toneel opgedaag waar die taxi die boom getref het. Veertien skoliere het verskeie beserings opgedoen en nog ambulanse is ontbied,” het Jamieson verduidelik. “Hulle is na verskeie hospitale in Durban geneem vir verdere behandeling.”
Die polisie was op die toneel en stel ondersoek in.
Skole het nou eers begin. Spoed en onpadvaardige voertuie.
Ekke maak soos ekke wil en ekke ry soos ekke wil.