Veertien persone is in Themba in die groter Hammanskraal-gebied in Gauteng in hegtenis geneem ná ʼn 35-jarige verdagte, wat van moord verdink word, gestenig is. ‘n Polisiebeampte is ook tydens die voorval beseer.
Kol. Lungelo Dlamini, woordvoerder van die polisie, het gesê die voorval het Sondagmiddag plaasgevind. Die persone is Maandagoggend in hegtenis geneem.
Genl. Elias Mawela, polisiekommissaris van Gauteng, het lede van die gemeenskap gewaarsku wat hulself skuldig maak aan ernstige en gewelddadige misdaad en die reg in eie hande wil neem.
“Die slagoffer is tydens die ondersoek na ʼn misdaadtoneel geneem waar ʼn uitlander verlede week Dinsdag dood is. Terwyl ʼn speurder besig was om sy verklaring te neem, is die verdagte met klippe en ander voorwerpe bestook,” het Dlamini verduidelik.
“Toe verdere beamptes by die toneel opgedaag het, was die man reeds dood nadat hy deur meer as 10 persone aangeval is. ʼn Beampte is beseer toe van die klippe hom getref het.”
Mawla het die gemeenskap versoek om probleme met dienslewering eerder by hul plaaslike stasiebevelvoerders aan te meld.
Die 14 verdagtes sal na verwagting Dinsdag in die Themba-landdroshof verskyn op aanklag van moord en poging tot moord.
Glo my, as so iets hier gebeur kyk sapd net ander pad. Bundu justice op sy beste.
Sharia law?
Hy moes harder geslaan gewees het, maak sy ore oop
Joh .
EK het nie woorde nie . In watter era leef hierdie mense.
Laat ek reg verstaan: Het die polisie die man na die misdaadtoneel geneem, en is hy onder polisiebewaking gestenig?
Dit terwyl die polisie gewapen gestaan en toekyk het. Laat my wonder of die verdagte wit was soos Pierre de Necker van Belfast.
Jy verstaan heeltemal reg Jbd. SA is nie ‘n Derdewêreld land nie. Wel ‘n Vierdewêreld agterbuurte.
Dit is omdat die polisie en die howe niks meer doen nie dat die gemeenskap self intree almal is moeg vir geweld misdaad. Die ( bundu hof) werk .
Die skare was in die meerderheid en hy was nie geslaan nie maar met klippe gegooi.
Die mense is gewoond daaraan dat die polisie elke saak verwater en daar niks van kom nie. Hierdie boendoe veroordelings sal stop wanneer die polisie wakker skrik en hulle werk professioneel doen, en nie bang is om hulle skoene vuil te maak nie, of onwillig om hulle verwarmde kantore te verlaat nie.
Ek neem nie die gemeenskap kwalik nie. Di mpolisie arresteer nie die verdagtes nie, en as hulle hom arrestee kry hy borgtog sodat hy verder kan misdaad pleeg. Dan vind die hof hom onskuldig en hy is weer terug.
Ons regstelesel het platgeval. Daarom neem die gemeenskap die hande in eie reg.
Die persoon is na ‘n misdaadtoneel toe gevat. Was hy betrokke by die misdaad, of het hulle hom gestenig omdat hy die skuldiges sou uitwys?