Brandbestryders het Maandagmiddag gesukkel om 14 verskillende veldbrande onder beheer te bring in Kaapstad in die Wes-Kaap.
“Nie een van die brande hou ʼn gevaar in vir eiendom nie,” het Theo Lane, woordvoerder van die stad se brand- en reddingsdienste, gesê.
Die grootste brande is in Steenberg, Strandfontein en Atlantis.
Die rook het swak sigbaarheid vir motoriste veroorsaak, veral in Allenbyrylaan, Steenberg. Volgens Lane is 35 brandbestryders op die toneel in Steenberg. Agt brandweervoertuie is na die brand in Dennegeurlaan in Strandfontein gestuur en vyf is na Dassenbergplaas in Atlantis ontbied.
Motoriste het ook swak sigbaarheid in De Waalrylaan beleef weens rook van ‘n veldbrand langs die pad.
Sterk winde belemmer die brandbestrydingspogings.
Die oorsaak van die brande is nie bekend nie, maar Lane het gesê die brande word gereeld deur mense gestig.
Tweets by @vwsfires