Ysterpenne op paaie. (Foto: Gautengse verkeerspolisie)
Drie motoriste is in die afgelope drie jaar dood weens ysterpenne wat langs die N4 in Gauteng geplaas is en die polisie ondersoek 149 sake in dié verband.
Volgens Faith Mazibuko, die provinsiale LUR vir gemeenskapsveiligheid, is niemand al vasgetrek ná die onderskeie motoriste se dood nie en slegs ses verdagtes is in hegtenis geneem in verband met die ander gevalle op dié hoofweg.
“Dit is duidelik dat Gautengse motoriste se lewe in gevaar is en dat die polisie nie die vermoë het om hul veiligheid te verseker wanneer hulle snags moet reis nie,” het Michael Shackleton, die DA se skadu-LUR vir gemeenskapsveiligheid, gesê.
Mazibuko het in ʼn skriftelike antwoord in die provinsiale wetgewer aan Shackleton gesê dat hierdie ysterpenne op die pad geplaas word met die doel om motoriste te beroof wanneer hul bande bars en hulle van die pad af moet trek.
Maroela Media het ook vroeër berig dat die Gautengse verkeerspolisie motoriste gewaarsku het om dié hoofweg veral oor naweke en snags tussen 18:00 en 04:00 te vermy.
“Die veiligheid van motoriste is reeds in gedrang, aangesien die Gautengse verkeerspolisie nie die hoofweë gedurende die aand patrolleer nie. Die DA sal voortgaan om daarop aan te dring dat Mazibuko die verkeerspolisie as ʼn noodsaaklike diens bestempel, sodat motoriste nie die hoofweg hoef te vermy nie, maar met gerustheid tot hul bestemming kan reis.”
Volgens Shackleton is motoriste reeds vreesbevange om die paaie aan te durf sedert motorkapings van 2 290 sake tot 2 328 in die 2020-’21-boekjaar toegeneem het.
“Die patroon is dieselfde met vragmotorkapings wat van 144 in 2019 tot 206 in 2020 toegeneem het.”
Die DA het ʼn beroep op motoriste gedoen om enige gevalle waar ysterpenne gewaar word op die DA se Twitter- en Facebook-blad te deel.
“Goed beligte hoofweë is ook van sleutelbelang om gevalle soos dié te verminder, daarom sal die DA met die nasionale en provinsiale departemente skakel om straatligte al langs snelweë vir die veiligheid van ons motoriste te plaas,” het Shackleton gesê.
Ek sien dit as poging tot moord.
Faith Mazibuko, die provinsiale LUR vir gemeenskapsveiligheid? Ek betwyfel ook die dame se ernstigheid om na ons veiligheid om te sien. Motoriste word gewaarsku om nie die paaie te gebruik nie. Ons betaal belasting en wat doen sy om iets aan die saak te doen?
Ek verstaan nie hoekom die polisie nie gereeld daar kan ry en patrolleer nie. Hulle weet dan waar is die probleem areas/paaie asook die tye wat dit meestal gebeur
Dis nie vir ons om te verstaan dat hulle ons wil ontwapen, in ons huise en op ons plase aanval, ons paaie saboteer en ons die verkragtingsrekord van die wêreld maak nie, want as ons vrae vra hieroor lê die fout mos by ons.
Goed beligte hoofweë is ook van sleutelbelang om gevalle soos dié te verminder, daarom sal die DA met die nasionale en provinsiale departemente skakel om straatligte al langs snelweë vir die veiligheid van ons motoriste te plaas,” het Shackleton gese.
Elektrisiteitvoorsiening is ‘n probleem op nasionale vlak, dus gaan die ligte aan wees? Daarby onderhoud van die ligte. Die probleem is ‘n verval in sosio-ekonomiese toestande en die SAPS en howe wat ‘n grap is wat sulke gedrag bevorder. Beter om die oorsaak aan te spreek as die simptone. Daar is baie paaie wat nie beligting het nie en sal ontvang nie.
Die DA Het Ligte laat op sit op snake valley weg in Centurion, Dit het n paar maande gevat om op te rig, die ligte het 2 weke gewerk en staan almal nou al vir meer as n jaar draadloos… dit is werklikwaar wonderlike tegnologie die ligte werk net wanner dit dag is. (verskoon my sarkasme).
is die N4 nie n tol pad nie, dan moet sanral mos die paaie beveilig want hulle word betaal om die paaie te gebruik. Kan hulle nie dan ook vir skade aan voertuie ens. verantwoordelik gehou wou word nie.
So geen selfoon nasporing het enige resultate opgelewer nie? Sure… Die bloulap platpote gee in elk geval nie om nie. Cele dink dat, as hy kriminele aktiwiteite bekend maak, hy ‘n baie goeie job doen! Onderhoud en voorkoming bestaan nie in ‘n swartgallige se woordeskat nie… Hy voorstan hom boggerall!
En Cele wil ons self verdediging wapens vat. Hy vat ‘n biljoen of 2 om hulle self te beskerm, en vat geld van SAPS om hulle werk te doen….
Maar die swartkarre met blouligte wat verwoes almal uit die pad forseer omdat daar sg VIP’s in rondry is altyd veilig op ons paaie, dag of nag, danksy die hele polisiemag wat hulle beskerm teen misdadigers oa op die land se paaie.
Belaglik dat in ‘n land waar belastings ons doodmaak, ons nie onsself met ‘n vuurwapen mag verdedig nie, nie gerus kan slaap nie, en ook nie deur misdadigers op die pad ontsien word nie.
Dit is ‘n klad op die SAPD se naam tov polisiëring wat net met omkoopgeld gebeur of as jy ‘n sg VIP is!!!
Ek wonder kliphard hoekom die metro-polisie nie die booswigte kan voorlê en arresteer nie. Al wat hulle nodig het is bietjie nagsig-toerusting. En natuurlik die wil en vermoë om dit te kan doen. Ons gaan seker binnekort die peperduur “spiking hot-spot” bordjies langs die hoofweë begin sien
Dis poging tot moord wat lei tot moord…
Jip, weereens die ANC se oplossing vir ‘n probleem.
Skryf jou wetgehoorsame belastingbetalers voor wat om te doen, terwyl die skurke met, letterlik, moord weg kom.
Dis soos om in jou motor ‘n waarkuwingsliggie se gloeilamp uit te haal as dit aankom!