15-jarige van moord aangekla ná leerder se steekdood

Die seun is op die skoolgrond doodgesteek. ‘n Medeleerder word van sy moord aangekla. (Foto: Maroela Media)

ʼn Jong skoolseun van Alexandra sal volgende week in die kinderhof verskyn nadat hy van moord aangekla is weens die steekdood van ʼn medeleerder.

Phindi Mjonondwane, woordvoerder van die Nasionale Vervolgingsgesag (NVG) in Gauteng, sê die 15-jarige seun het Woensdag aanvanklik vir ʼn voorlopige ondersoek in die Alexandra-landdroshof verskyn.

Hy is daar aangekla van moord.

“Die staat voer aan die dood van die medeleerder spruit uit ʼn stryery tussen die beskuldigde en ander leerders op die skoolterrein tydens middagete. Die beskuldigde het glo ʼn skerp voorwerp gaan haal en die medeleerder gesteek.”

Die seun bly in aanhouding by ʼn kinder-en-jeugsentrum tot hy weer Woensdag in die hof verskyn. Die saak sal dan in die kinderhof aangehoor word.

Maroela Media het vroeër berig die skool se dissiplinêre komitee was glo besig om ʼn bakleiery tussen drie ander leerders te hanteer toe die seun aangeval is. Hy het op die skoolterrein gesterf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
ES

Wat anders kan mens verwag want al wat hierdie kinders sien is geweld, onluste en plunder.

Nie Verbaas

Snaaks hoe stil die BLM kniebuigers is met al die berigte van verkragting en moord in die media. Dit is skokkend om te dink dat tot kinders al geen respek vir lewe het nie. Nog n nagevolg van ANC beleid.

Diline

O nee sluit op en gooi weg die sleutel, Op 15 al klaar ‘n moordenaar.

Belinda

Met alles wat aangaan deesdae in die lewe is enige iets moontlik…. dis “sad”.
Is omdat polisie ook nie meer na skole toe gaan en die leerling deursoek vir wapens en dwelms nie.

Swerwer

Die BLM sal stil wees want dit is mos hul eie mense wat ander vermoor. Op so ‘n jong ouderdom, dink wat lê nog voor. Maar ja, dit is mos die voorbeeld wat gestel word vir vandag se jeug.