15 nuwe kolleges vir 2016 beplan

Dr. Blade Nzimande. Foto: GCIS

Dr. Blade Nzimande. Foto: GCIS

Die regering het Donderdag aangekondig 15 tegniese beroepsonderwys en -opleidingkolleges sal in die volgende jaar regoor die land gebou word.

Bongani Majola, woordvoerder van die presidensie, het gesê die regering het reeds met die proses begin om 15 tegniese (TVET)-kolleges op die been te bring.

Dinsdag het Blade Nzimande, minister van hoër onderwys en opleiding, by ʼn geleentheid van die Jacob G Zuma RDP Onderwystrust op Nkandla aangekondig ʼn TVET-kollege sal in die omgewing gebou word.

Volgens Majola sal die kolleges in die Oos-Kaap (Graaff-Reinet, Ingwe in Ngqungushe, Ikhala in Sterkspruit en Aliwal Noord), KwaZulu-Natal (Esayidi in Umzimkhulu, Umfolozi in Bhambanana en Nkandla A en B kampusse, UMgungundlovu in Greytown, UMgungundlovu in Msinga, Mthashana in Kwa Gqikazi, Mthashana in Nongoma en Mthashana in Vryheid), Limpopo (Letaba in Giyani, Waterberg in Thabazimbi) en Mpumalanga (Balfour in Gert Sibande) gebou word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Maureen

So gaan dit verniet wees?

Johann

Hallo Maureen, ja ek wonder self wie daarvoor gaan betaal. Dan kom die aankondiging nogal van Nkandla af…lekker vakansiehuis! Aan Maroelamedia en al sy lesers, voorspoed vir 2016.

Tania

Ek merk op net sekere provinsies gaan by die sogenaamde kolleges baatvind. Is dit omdat dat dit “moontlik gratis” is en/of die Wes-Kaap DA is. Daar is arm mense in ALLE provinsies, wat ook by die kolleges baat sou vind, indien gratis. Wonder net. Die hele SA se belastingbetaler gaan hiervoor betaal.

maritz

Net nog meer plekke om af te brand . Wat van gratis onderwys ons soek nie geboue of af te brand nie. Al daai geld kon eerder gegaan het vir onderwys

weskaper

Kyk na die plekname, geen kolleges vir die Afrikaners nie.