16 verloor lewe op Wes-Kaapse paaie

Die sewe oorledenes op die N1 in Limpopo het in die taxi verkool. Foto: Twitter

Verkeersbeamptes in die Wes-Kaap sê die dodetal op die provinsie se paaie het teen laat Sondagmiddag op 16 gestaan.

Van die sterftes het 12 in botsings in die Kaapse Skiereiland voorgekom en die orige vier aan die Weskus en in die Overberg.

Kenny Africa, Wes-Kaapse verkeershoof, maan motoriste om versigtiger te bestuur en nie agter die stuurwiel in te klim nadat hulle gedrink het nie.

In die loop van 2017 is 1 315 mense in ongelukke op die provinsie se paaie dood, vergeleke met 2 374 in 2016.

Intussen is die N1 tussen Kranskop en Mookgophong in Limpopo vir verkeer heropen nadat sewe mense daar in ʼn grusame ongeluk gesterf het, berig EWN.

Luidens berigte het die sewe mense gesterf nadat die taxi waarin hulle onderweg was, met ʼn vragmotor gebots het, naby waar 40 mense in September dood is toe hul bus in ʼn ongeluk betrokke was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Sakkie

Reels op pad word verontagsaam

Bernard Hellberg

“Reinigingseremonie” toe nie gewerk nie?

Roos

Latere berigte sê Volvo sedan en nie taxi. Verkeer is op die ou pad herlei en van die motoriste het wetteloos deur die bosse en oor heinings gery om op die N1 terug te kom. Nou wonder ons hoe die nare ongelukke gebeur. Dis beslis nie die pad se skuld nie!

pieter

verbied vragmotors na 6 uur in di aand op ons paaie ,laat di ouens rus kry hul spandeer lang ure op di pad .kyk hoeveel ongelukke was da waar vragmotors betrokke was di afgelope tyd ek gee niemand di skuld nie maar di ouens kry ni genoeg rus nie,ek dink di departement moet hiedie ouens se tye ondersoek