17 beseer toe taxi omslaan

Minstens 17 mense is beseer toe ’n minibustaxi Dinsdagoggend in Greenwood Close in Southbridge, KwaZulu-Natal, omgeslaan het. (Foto: Rusa)

Minstens 17 mense is beseer toe ’n minibustaxi Dinsdagoggend in Greenwood Close in Southbridge, KwaZulu-Natal, omgeslaan het.

Niemand is tydens die voorval dood nie en geen ander voertuie was by die ongeluk betrokke nie.

ʼn Gedeelte van die pad was wel vir ʼn gedeelte van die oggend vir verkeer gesluit.

Luidens ’n verklaring deur die Reaction Unit of South Africa (Rusa), het paramedici met hul aankoms op die toneel ’n wit Toyota HiAce op sy sy aangetref.

“Sestien passasiers en die bestuurder het wydverspreid op die toneel gelê en matige beserings opgedoen.

“Die beseerdes is deur Rusa asook staatsambulanse na nabygeleë hospitale vervoer.”

Volgens Rusa beweer die bestuurder dat hy vir ’n aankomende voertuig uitgeswaai het.

“Volgens ’n passasier het die taxi se remme egter onklaar geraak.

“Nie een van die weergawes kon geverifieer word nie.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Dup ·

Toyota Hi-Ace bussies word gereeld op hulle sye of dakke aangetref.Ek dink dit is of so ontwerp of dit kan n fabrieksfout wees.Miskien is die wiele op die verkeerde plek,wie sal nou weet.Word nie verniet missiele op wiele genoem nie……

KB ·

Sewentien?!?!?!
Die voertuig mag volgens wet maksimum elf mense vervoer!
Gooi die bestuurder in die tronk, hou hom daar, en kla hom aan vir poging tot moord.

Nie Verbaas ·

So volgens hulle standaard was die voertuig half vol.

KB ·

Sit vir alle taxi’s en busse “black boxes” en/of “dashboard cameras” in. Dan weet ons gouer wat die drywer gedoen het.

Nie Verbaas ·

Dit gebeur en sal aanhou gebeur wanneer n regering beheer verloor het op padgebruikers. Mooi so Mbalula, sit down before you get in.

Hondjie ·

Dis altyd nogal vreemd dat mens hoor bussie le op sy dak maar nooit dat die bussie onpadvaardig is ni en drywer ni lisensie ni en so gaan di lys aan…..

Maritza ·

Verbaas my nie want taxis kyk nie na hulle voertuie nie. Solank hulle net soveel moontlik mense kan in druk en mede padverbruikers in gevaar kan stel.

Swerwer ·

Toyota Hi-Ace bussies blyk ‘n gevaar te wees, sal die ANC kan ondersoek instel teen dit?

Pieter ·

Minstens 17 beseer, in ‘n 15- sitplek voertuig?! Dit verduidelik alles!!

Anoniem ·

Die GROOTSTE gevaar wat daar nog ooit op hierdie aardbol kon ontstaan het. Euwel !

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.