17 voertuie betrokke by N12-botsing

Die ongelukstoneel. (Foto: Verskaf)

Altesaam 17 voertuie was vanoggend betrokke in die botsing op die N12 tussen Witbank en Delmas in Mpumalanga wat die lewens van drie mense, waaronder ’n kind, op dié pad geëis het.

Volgens Moeti Mmusi, woordvoerder van die provinsiale departement van gemeenskapsveiligheid, was tien motors, twee vragmotors, vier afleweringsvoertuie en een minibus in die voorval betrokke.

’n Bestuurder en twee passasiers het in die voorval omgekom. Een van die passasiers, die kind, was maar twee jaar oud. Een persoon het ernstige beserings in die botsing opgedoen terwyl ’n ander ligte beserings opgedoen het, het Mmusi gesê.

Maroela Media het vroeër berig die botsing is waarskynlik deur swak sigbaarheid weens digte mis veroorsaak.

Die pad was vanoggend kort na die botsing gesluit. Mmusi kon sedertdien egter nie deur Maroela Media bereik word om te bevestig of die pad sedertdien weer oopgestel is nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
GR

Swak sig en spoed want ons mense kan dood eenvoudig nie stadiger ry as dit reen of digte mis is nie almal is haastig en verkeers reels bestaan nie en baie mense dink as hulle ligte aan is gaan die voertuig se battery pap word

Simpatie

Ek het al twee keer digte mis op daardie pad beleef. Dis met een woord skrikwekkend. Die beter opsie vir ons was om te bly beweeg eerder as aftrek. Almal het so 15 km/h beweeg en die liggies voor jou bly volg. Jy voel magteloos en doodbang. Die kettingbotsing is nie noodwendig weens hoë spoed nie. Dit moet baie erg wees om te hoor hoe voertuie mekaar tref en jy kan nie sien nie.

Delmasser

Beleef dit gereeld. Dit IS regtig regtig senutergend. Bel maar jou werkgewer en skool en laat weet hulle jy gaan laat wees.
Party oggende is so erg ons kan nie eers die hek of so ver as die kar se voorkant sien nie.

Tiger

Reel no 1 : As jy nie voor jou kan sien nie dan ry jy nie.

Chris Ws

Die N12 is berug vir digte mis in die oggende op ‘n gereelde basis.Dit gebeur nie maar een maal in 10 jaar nie!So dis die verkeers mense se PLIG om motoriste veilig te hou op daai pad en hoord met die eertse teken van mis dadelik geblok te word in albei rigtings.
Wakker word Mnr.Mbalula!Jy word nie betaal om te dagdroom nie!