Een persoon is dood en 18 beseer tydens ʼn trompop botsing op die N18 in Hartswater in die Noord-Kaap.
“ʼn Motor en ʼn taxi het mekaar reg van voor getref,” het Chris Botha, woordvoerder van Netcare 911, in ʼn verklaring gesê. “Een persoon was reeds dood toe paramedici by die toneel opgedaag het.”
Botha sê een persoon het kritieke beserings opgedoen en 17 ander het geringe tot ernstige beserings opgedoen. Hulle is op die toneel gestabiliseer en daarna na ʼn nabygeleë hospitaal geneem vir verdere behandeling.
Die polisie sal die ongeluk ondersoek.
Te veel (bestuurders) voel dat hulle kan ry soos hulle wil….. Drank, dwelms, selfone, swak bestuursvermoee, arrogansie, oormoeg en diegene wat dink hy’s BAAS oor sy voertuig…. Dan volg ‘n verdere algehele gebrek aan die kennis van padregulasies.. Lisensies word te maklik uitgegee, strenger toetsing moet ingestel word.