18-jariges het glo Greytown-boer vermoor

Argieffoto

Argieffoto

Twee verdagtes is in hegtenis geneem in verband met die moord op Sarel David Theron (49) wat op sy plaas in Seven Oaks in Greytown, KwaZulu-Natal vermoor is.

“Theron se liggaam is Dinsdag omstreeks 09:00 by sy huis gevind nadat hy nie Maandag by die werk opgedaag het nie,” het lt.kol. Thulani Zwane, woordvoerder van die polisie, gesê. “Een van die plaasbestuurders het op sy liggaam afgekom en die polisie is ontbied.”

Theron het steekwonde gehad en hy is vermoedelik ook gewurg.

Hy is Sondag laas by sy huis gesien.

“ʼn Skootrekenaar, selfoon en ander goedere is uit die huis gesteel,” het Zwane bygevoeg. “Die Greytown-polisie het ondersoek ingestel en twee verdagtes, albei 18 jaar oud, is in hegtenis geneem. Hulle sal Maandag in die Greytown-landdroshof verskyn op aanklag van moord en huisbraak.”

Bhekinkosi Langa, provinsiale polisiekommissaris, het die beamptes vir hul harde werk geloof om die verdagtes aan te keer. “Die verdagtes se profiele sal nagegaan word om te ondersoek of hulle dalk met ander huisbrake in Greytown en omliggende gebiede verbind kan word.” Langa het gesê hy doen ʼn beroep op die gemeenskap om nie gesteelde goedere te koop nie, en gewaarsku diegene wat met gesteelde goedere betrap word, sal vervolg word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Rapes

En almal is doodstil niks word gesê nie, maar as dit twee blankes was wat die moord gepleeg het was dit wêreldnuus.

Lance

Ek voorspel dat die ou OOK uit aanhouding gaan ontsnap …kyk nou mooi

Grassie

Baie geluk aan die polisiemanne wat betrokke was by die ondersoek. Jul goeie werk word waardeer.

Hendrik

Waar is die doodstraf??

marianne

Seven Oaks is ‘n bittere Klein amper dorpie, die saagmeul is eintlik die dorp se bestaan.
…. (dis ‘n close knitted community)
Dis verskriklik hartseer dat Sarel uit die gemeenskap geruk is! Sy dood is nutteloos!
Bring die doodstraf terug – die tronke in ‘n klug!