18 Noord-Kaap-munisipaliteite skuld Eskom miljarde  

(Argieffoto: GCIS)

Altesaam 18 munisipaliteite in die Noord-Kaap skuld Eskom meer as R2,8 miljard.

“Die finansiële volhoubaarheid van Eskom in die Noord-Kaap word belemmer deur stygende munisipale skuld,” het Patricia Tsepane, ʼn Eskom-woordvoerder, gesê.

“Betalingspatrone deur die meerderheid van die provinsie se munisipaliteite was oor die afgelope vyf jaar onreëlmatig en het negatief bygedra tot die agterstallige skuld wat tans op R2,8 miljard staan.”

Tsepane het daarop gewys dat die munisipaliteite jaarliks billike toedeling van die regering ontvang sowel as betaling vir dienste van hul kliënte, en dat die verwagting is dat hulle Eskom in ruil daarvoor moet betaal vir die elektrisiteit wat verskaf word.

“Eskom het hierdie munisipaliteite breedvoerig betrek oor die onreëlmatige betalings en wat die impak van wanbetaling inhou. Ten spyte van hierdie pogings versuim die munisipaliteite om hul verantwoordelikhede in terme van hul elektrisiteitslisensievereistes na te kom en gaan hulle voort met niebetaling van hul lopende rekeninge.”

Volgens Tsepane is slegs twee van die 18 munisipaliteite tans in gesprekke met Eskom om aanvaarbare betalingsooreenkomste aan te gaan.

“Munisipaliteite het ʼn grondwetlike plig om vir grootmaatvoorsiening te betaal, en dit sal verseker dat Eskom kan voortgaan om op ʼn volhoubare wyse te funksioneer deur gemeenskappe van ononderbroke toevoer van elektrisiteit te voorsien. Eskom bedank graag plaaslike munisipaliteite wat die betaling van hul rekeninge prioritiseer.”

Die lys van Noord-Kaap-munisipaliteite wat tot en met einde Maart groot agterstallige Eskom-skuld gehad het:

Munisipaliteit: Agterstallige skuld:
Kai !GaribR491 274 713
Sol PlaatjeR470 624 010
GamagaraR325 301 789
TsantsabaneR191 861 409
PhokwaneR178 456 672
Nama KhoiR169 657 348
SiyancumaR169 400 327
DikgatlongR161 062 485
SiyathembaR115 146 901
ThembelihleR106 240 240
EmthanjeniR105 841 866
RenosterbergR99 539 266
MagarengR79 591 373
UbuntuR77 482 569
KamiesbergR46 487 103
RichtersveldR39 764 159
Dawid KruiperR34 012 893
Khai MaR30 136 252
Totaal:R2 891 881 378

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

casper ·

As ek vir n maand lank nie my R1000 betaal nie dan word ek afgesny — Hoe laat hulle dit toe man?????????

Marius ·

Al die munisipaliteite skuld miljarde, en die groitste skuld word veroorsaak deur die informele nedersettings wat dink hul moet alles gratis kry.

Werner ·

As ek na die lys kyk, lyk dit soos al die munisipaliteite behalwe Orania.

Frank ·

Ek kan nie verstaan hoekom hulle Evkom moet betaal nie, die krag kom mos uit die draad uit. Net soos wat daar baie geld is, die geld kom mos uit die ATM uit.

marius ·

Wil hulle vertel dat die verbruikers nie hul rekeninge betaal het nie ? Die geld is in hul sakke geprop en hulle kom niks oor nie ! Verkoop elke ding insluitend die onroerende eiendom en sluit hul kantore . Punt

Boeretroos ·

Gelukkig is dit nie in suid afrika nie want ek het geen idee waar die plekke is nie , dis hoekom hulle geld skuld want niemand weet waar is die plekke nie so hulle hoef nie te betaal nie

Nie Verbaas ·

Lê beslag op hulle bates en handig dit oor aan wittes wat dit behoorlik kan bestuur en invorder van die “alles moet verniet wees” burgers. Aan die ander kant, die ANC regering probeer mos baie hard om die land weer terug te vat na 10 BC toe.

Jedi Knight ·

Geen persoon, wit of swart, kan dit invorder nie. Hulle sal eenvoudig opruk na jou huis en met jou vrou en kinders gesels. Ons is laaaankal verby die omdraai punt.

Pietertjie ·

Verstaan ek reg? Die regering (lees:belastingbetaler) betaal die munisipaliteite sodat laasgenoemde vir Eskom kan betaal. Sommige gebruikers betaal dan óók die munisipaliteite vir dieselfde elektrisiteit? En nog steeds word Eskom nie betaal nie? Iets stink vreeslik!

efjy ·

Wie gaan uiteindelik die rekeninge betaal. Of gaan dit maar afgeskryf word. Kan Eskom nie maar self sy geld direk van die gebruikers verhaal nie. Dit blyk dat munisipaliteite geld aanwend vir bonusse en nuwe karre.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.