19-jarige op kleinhoewe geskiet

Argieffoto: Lorraine Claasen

ʼn Jong man is Maandagaand, skaars ses dae voor sy 20ste verjaardag, op ʼn kleinhoewe buite Pretoria geskiet toe hy die voëls waarmee hulle boer gaan kos gee het.

Marius Müller, nasionale operasionele koördineerder van AfriForum wat self op die toneel was, het Dinsdag aan Maroela Media gesê die voorval het op ʼn kleinhoewe buite Cullinan, oos van Pretoria, plaasgevind.

“Die jong man is omstreeks 19:00 uit om die diere te gaan versorg toe daar sommer uit die bloute op hom geskiet is. Een koeël het hom in die bors getref. Hy het teruggehardloop na die huis toe en voor sy ouers inmekaargesak,” het Müller.

Die man se ouers het hulp ontbied voor hulle met hom na ʼn private hospitaal in die noorde van Pretoria gejaag het. Hy is daar gestabiliseer en is tans in ʼn bevredigende toestand.

Müller het gesê as alles volgens plan verloop, behoort die jong man vandag geopereer te word om die koeël te verwyder.

Kapt. Kay Makhubela, provinsiale polisiewoordvoerder van Gauteng, het aan Maroela Media bevestig die aanvallers het direk ná die skietery van die toneel gevlug.

“Niks is tydens die voorval gesteel nie. Dit is nie dadelik bekend hoeveel aanvallers by die voorval betrokke was nie, aangesien niemand iets gesien het nie. Nadere ondersoek word gedoen,” het Makhubela gesê.

Die Cullinan-polisie ondersoek ʼn saak van poging tot moord. Niemand is nog in verband met die voorval in hegtenis geneem nie.

Müller het die polisie, plaaslike gemeenskapspolisiëringsforum, buurtwag, die polisie se lugvleuel en die Bronkhorstspruit-polisie se honde-eenheid bedank wat vir lank ná die voorval na die aanvallers gehelp soek het.

Ian Cameron, AfriForum se hoof van gemeenskapsveiligheid, het gesê met dié aanval ingesluit, was daar vanjaar 243 aanvalle op plase en kleinhoewes landwyd. Altesaam 36 mense is reeds vanjaar op plase en kleinhoewes vermoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Nico

Skokkend,sterkte aan die familie.

Jaer

Dis duidelik dat blankes net aangeval word, die woord is deur CR en politieke partye gegee om so wreed moontlik teenoor wittes te wees. Maar vir CR is dit bitter belangrik om met die Zulus te praat en te verduidelik dat swart land nie in gevaar is nie, maar slegs wittes sn.

AmY

So, nou skiet hulle sommer nou vanuit die donker op mense? Lafaards!!!!
Ek hoop die jongman herstel vinnig.

Lollie

Sterkte jongman! Glo my as ek sê daar is nie een blanke suidafrikaner wat nie saam met jou bid nie! Môre of oormôre is dit dalk een van ons en dalk is ons nie so gelukkig om dit te oorleef nie!
Ek glo dit is ń verskriklike trauma maar ons bid vir krag en sterkte!

Elsa

Ons gebedes is om die familie en ons bid vir slim drs met wysheid sodat Jesus deur hul hande die nodige doen tydens operasie
Ons arresteer die booswigte en verklaar beskerming oor oor elke omgewing waar daar planne gemaak word om mense aan te val..dit stop vandag