ʼn 31-jarige man, betrokke by ʼn motordiefstalsindikaat in Gauteng en die Wes-Kaap, is Dinsdag deur die Valke in hegtenis geneem.
Die man is die 19de lid van dié beweerde sindikaat wat die afgelope paar maande in hegtenis geneem is.
Volgens Zinzi Hani, woordvoerder van die Valke, teiken die sindikaat veral Volkswagen Polo-motors in Kaapstad en Johannesburg wat dan met die hulp van staatsdienswerkers verbonde aan die departement van vervoer opnuut geregistreer word.
“In Februarie vanjaar het die Valke agt verdagtes, insluitend die beweerde baasbreine verantwoordelik vir die sindikaat, in hegtenis geneem. ʼn Verdere nege verdagtes van drie verskillende lisensiekantore is later vasgetrek.”
Die 18de verdagte, wat glo die vriendin van die baasbrein in Gauteng was, is op 16 Junie in hegtenis geneem vir haar beweerde betrokkenheid by die sindikaat.
Die 19de verdagte sal na verwagting Woensdag in die Johannesburgse landdroshof verskyn.
Maar probeer nou wettiglik jou lisensie hernu dan is dit ‘n saak van onmoontlikheid.
Muni bekommerd wees nie….. Die regering gaan hom n Ferrari of iets dergeliks gee met n 5 jaar service plan ten volle betaal en petrol opi belasting betaler. Ergste wat met hom kan gebeur is dat hy die Ferrari sal weer.
Mooi
Mooi so!