Collen Maine, leier van die ANC Jeugliga. (Foto: ANA)
Die ANC se Zukisa Faku en Collen Maine, ook leier van die ANC Jeugliga, het uit die parlement bedank, het Pemmy Majodina, ANC-hoofsweep, Vrydag aangekondig.
Volgens Majodina sal Faku se bedanking aan die einde van die maand in werking tree terwyl Maine se bedanking reeds op 5 Julie in werking getree het. Dié bedanking met onmiddellike inwerktreding kom te midde van versoeke dat Maine as president van die regerende party se Jeugliga moet uittree om plek te maak vir ’n jonger generasie.
Faku se setel in die parlement sal ingeneem word deur haar naamgenoot Princess Faku van die Oos-Kaap terwyl Maine deur Renay van Schalkwyk vervang sal word.
Van Schalkwyk sal reeds Dinsdag ingesweer word.
Majodina se kantoor het sy dankbaarheid vir albei se diens as openbare verteenwoordigers vir Suid-Afrikaners asook die ANC in die parlement benadruk.
Ons sal later lees van ondersoeke van korupsie teen hulle
van wanner af bedank hulle oor korrupsie
Baie goeie vraag, Manie, baie goeie vraag!
Die ANC het hul smaak vir OROS verloor.
Ek dink Cyril het hulle vertel dat daar bietjie gewerk moet word.
ek is nou verwar….jeugliga wat vir jongere moet plek maak??????
hoe oud is die JEUGliga?????almal lekker cosy jobs
Wonder nou wie is die van Schalkwyk koekie, nog nooit van haar gehoor nie.
Ek dink CR het hulle laat weet om te begin werk!