Tien beseer in twee botsings, kilometers van mekaar

Die nooddienste Saterdagnag by die vierrigtingstop op die R546 in Embalenhle. (Foto: ER24)

Hierdie berig is gewysig sedert dit aanvanklik gepubliseer is.

Paramedici is Saterdagnag twee keer in die omgewing van ʼn kruising op die R546 in Embalenhle, naby Secunda in Mpumalanga, ontbied nadat twee afsonderlike botsings enkele kilometer van mekaar plaasgevind het.

Altesaam tien mense is in dié ongelukke beseer.

Ross Campbell, woordvoerder van ER24, sê twee VW Polo’s het omstreeks 21:45 by die vierrigtingstop op die R546 gebots. Sewe mense, onder wie kinders, is in dié botsing beseer.

Campbell sê paramedici van ER24 het twee vroue en drie kinders tussen drie en tien jaar oud – almal insittendes van die een motor – met ligte beserings na ʼn hospitaal vervoer.

Een volwassene en ʼn kind van die ander motor het ook ligte beserings opgedoen en is deur ʼn ander ambulansdiens na die hospitaal vervoer.

Volgens The Bulletin het nóg ʼn botsing vroeër die aand omstreeks 18:00 enkele kilometer van dié betrokke kruising op die R546 gebeur.

ʼn Volkswagen Polo en ʼn Kia het gebots nadat die Kia glo versuim het om by die stopstraat stil te hou. Drie mense het matige beserings in dié ongeluk opgedoen.

Paramedici van ER24 het die bestuurder van die Polo na ʼn hospitaal geneem vir verdere mediese behandeling. Die bestuurder van die Kia was in die wrak vasgekeer en is deur die brandweer bevry voordat hy deur ʼn staatsambulans na ʼn hospitaal geneem is.

ʼn Passasier in die Kia is ook beseer en na ʼn hospitaal geneem.

Beamptes was op albei ongelukstonele besig om ondersoek in te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Pietertjie

Botsing net ná middernag? Lyk my die inperkings-regulasies werk net vir mense met ore. En met gesonde verstand.

Sarel

Wat veroorsaak ‘n kop aan kop botsing anders as
Menslike nalatigheid

Ovelia

Ek dag dazr is n aandklok reel v almal?

Jeff

Hier in Carletonville kom sit by ons kruisings ( groot kruisings). Binne n half uur wat ek cell foon gevideo het nie minder as 23 karre, 15 van hulle taxis het glad nie gestop. So twee ongelukke in 2 ure is n verskriklike verbetering en ‘n kerf op die kolf vir mini star van transport of so hy dink. Video gegee vir verkeers dept maar ons enigste grys speedkop ( ander sien jy net by minisipale begrafnisse) sal niks kan doen nie want hy het nie voete net n kamera gesig)

Anel

Ek was onder die indruk dat daar ‘n aandklokreël is. So hoekom is hulle nie gearresteer en moet Maandag in die hof verskyn nie? Of is die reël net op sekeres van toepassing, of net in sekere provinsies?