2, dood, 15 beseer toe taxi, bakkie bots

Foto: Verskaf.

Twee mans is dood en 15 ander mense beseer toe ʼn taxi en ʼn bakkie gebots en daarna by ʼn heuwel afgerol het.

Russel Meiring, woordvoerder van ER24, het gesê die voorval het op Ntunjambiliweg in Kranskop in KwaZulu-Natal plaasgevind.

Die bakkie en die taxi is aan die onderkant van die heuwel aangetref.

“Die liggame van twee mans was binne die bakkie vasgekeer. Ongelukkig het albei mans reeds aan hul beserings beswyk. Hulle is op die toneel dood verklaar,” het Meiring gesê.

Volgens hom is 15 ander mense gering tot matig beseer.

Hulle is op die toneel behandel en na nabygeleë hospitale vervoer vir verdere behandeling.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Chris Ws ·

Helder oor dag.Nou wat het wie aangevang om die ongeluk te veroorsaak?Kan hulle nie kyk wat maak ander voertuie of dalk hulself nie??Minister van Vervoer,Joe ,WORD NET WAKKER MAN!

Justice ·

Stem saam met Chris dat Minister van Vervoer wakker moet word – weereens `n stokou “Skorro skorro” Toyota wat jare gelede al vernietig moes gewees het met die taxi herkapitalisasie program.

PJC ·

Die slagting op die paaie duur net voort en alewig is dit net taxis maar almal is te bang om iets hieromtrent te doen.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.