Die ongelukstoneel. (Foto: Rescue Care)
Twee mense is dood en 20 beseer toe ʼn motor en ʼn bus Woensdagoggend in Durban gebots het.
Garrith Jamieson, woordvoerder van Rescue Care-nooddienste, het gesê die ongeluk het omstreeks 06:00 op die hoek van Umbilo- en Hillierweg in Umbilo in die stad plaasgevind.
Volgens Jamieson is paramedici vanoggend na die ongelukstoneel ontbied waar hulle “totale chaos” aangetref het.
Die motor en bus het teen mekaar gebots waarna albei voertuie op ʼn sypaadjie tot stilstand gekom het. Twee insittendes van die motor was in dié wrak vasgekeer en albei is op die toneel dood verklaar, het Jamieson gesê.
Twintig passasiers van die bus het beserings in die voorval opgedoen en is op die toneel behandel voordat hulle na verskeie plaaslike hospitale gehaas is vir verdere mediese behandeling.
Meer inligting is nie bekend nie. Die toepaslike owerhede was op die toneel.
Ek dink in vandag se dae kan mens ons ambulansdienste, branweermanne, polisie en almal wat sò hard werk met al die chaos wat in diè land aangaan. Baie dankie, Ek saluut julle!!!!
Tussen verkeers ligte gejaag!
Een van my werkers op pad werk toe daar verby gery en daarvan vertel.