2 dood, 22 beseer in busongeluk

Argieffoto

Twee mense is dood en 22 ander beseer nadat ’n bus vanoggend (Maandag) in die Kranspoort-omgewing naby Middelburg in Mpumalanga omgeslaan het.

Ineke van Huyssteen, woordvoerder van ER24, sê in ’n verklaring paramedici is ná 09:00 na die toneel ontbied waar hulle die omgeslaande bus aangetref het.

Twee mense, ’n man en ’n vrou, het noodlottige beserings in die voorval opgedoen en is op die toneel dood verklaar.

Volgens Van Huyssteen is 22 ander op die toneel behandel voordat hulle na hospitale geneem is vir verdere mediese behandeling.

Die voorval is een van verskeie waar mense oor die langnaweek op Suid-Afrikaanse paaie gesterf het.

In Pinetown in KwaZulu-Natal is twee mans dood en ’n ander beseer nadat hulle vanoggend in die vroeë oggendure in ’n motorongeluk op die M1-Richmondweg in Marianhill betrokke was.

Garrith Jamieson, woordvoerder van Rescue Care, sê die motor het van ’n steil wal van sowat 50 m afgery en aan die brand geslaan.

Een van die insittendes kon daarin slaag om uit die motor te spring en terug na bo te kruip om hulp  te ontbied. Twee ander, vermoedelik in hul 20s, het egter in die voorval omgekom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

2 Kommentare

Leon S ·

Kranspoortpas is n doodspas. Gereeld nootlottige ongelukke in die pas en veral nou met mense wat op na die Noorde is. Na die padwerke is Kranspoortpas meer n ren baan.

Toit kruger ·

Is dit nog n’ Goverment ge borgte buss diens soos Putco. Dan is daar ergte geen eiese of verantwoording vir die passesiers nie.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.