2 dood, 3 beseer toe skieter losbrand

Argieffoto (Foto: imgkid.com)

Twee mense is dood en drie ander is beseer toe ʼn skieter Vrydagaand vanuit ʼn bewegende motor op ʼn groep mense losgebrand het.

Shawn Herbst, Netcare-woordvoerder, sê die voorval het in Uittogstraat in Brakpan aan die Oos-Rand plaasgevind.

Volgens ʼn verslag van die toneel het ʼn groep mense buite gestaan toe die insittende in die verbygaande motor ʼn klomp skote afgevuur het.

“Twee mense is noodlottig beseer en dood verklaar. Twee ander mense het ernstige beserings opgedoen en een persoon is in ʼn kritieke toestand,” sê Herbst.

Die beseerdes is met lewensondersteunende middels behandel. Al drie beseerdes is na ʼn nabygeleë hospitaal gehaas vir dringende mediese behandeling.

Meer inligting oor die voorval is nie bekend nie. ʼn Polisieondersoek is van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Diklizzy ·

Onder berig dui dit aan “Oos-Kaap” maar in berig is dit “Oos-Rand”

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.