Twee mense is dood en nege ander gewond in ʼn skietery Sondagaand by ’n byeenkoms in Soshanguve, noord van Pretoria.
Kapt. Stephen Maluleka, polisiewoordvoerder, het gesê die voorlopige ondersoek dui daarop dat ses gewapende mans omstreeks 21:30 by ’n plek bekend as Small Lodge in die omgewing toegeslaan en blindelings op mense losgebrand het.
Die verdagtes het ná die skietery in ’n silwer Toyota Avanza en wit Mercedes-Benz op die vlug geslaan en is sedertdien soek.
“Niemand is nog in hegtenis geneem nie en die motief vir die wrede moord en die skietery bly onduidelik.”
Die motief vir die skietery maak deel uit van die polisieondersoek.
Kol. Stephina Nkosi, bevelvoerder van die Rietfontein-polisiestasie, het intussen opdrag gegee dat alle hulpbronne dringend gemobiliseer word om die verdagtes vas te trek.
Die polisie in Rietfontein doen ook ’n beroep op die publiek om enige inligting rakende die voorval by 012 432 7806 of die Misdaadstopnommer by 0860010111 aan te meld.
Dié voorval volg enkele ure ná ’n soortgelyke voorval in Van Stadensrus in die Vrystaat.
Maroela Media het vroeër vandag berig tien mense is gewond toe verdagtes net ná 19:00 lukraak op klante in ’n taverne in die omgewing van Van Stadensrus losgebrand het.
Dié verdagtes is ook steeds soek.
Ai as hierdie inligting darem in wereld uitlek??!!!!
Hou ons asb op hoogte. Wat was die motief?
Miskien moet ons mister van polisie vir ons statistieke verskaf oor hoeveel van hierdie tipe voorvalle word met wettig gelisensieerde wapens uitgevoer. Hy stel mos glad nie belang om teen onwettige vuurwapens op te tree nie maar is voortdurend besig om wetsgehoorsame burgers se wettige wapens te teiken en hulle sodoende weerloos te laat teen geweld.