2-jarige dogtertjie deur hond doodgebyt

Argieffoto: ER24

ʼn Tweejarige dogtertjie is Vrydagoggend deur ʼn hond in Bloemfontein doodgebyt.

Russel Meiring, woordvoerder van ER24, het gesê die voorval het omstreeks 10:15 by ʼn huis in Langenhovenpark plaasgevind.

“Paramedici het by die huis opgedaag en is dadelik in die huis ingelaat en na ʼn slaapkamer geneem waar hulle die kind op die bed aangetref het,” het Meiring gesê.

“Sy het ʼn ernstige bytwond aan haar nek gehad en geen tekens van lewe getoon nie.”

Paramedici kon niks doen om haar lewe te red nie en sy is dood verklaar.

Die polisie was op die toneel en ondersoek die omstandighede rakende die voorval. Maroela Media het navraag by die polisie gedoen en wag vir terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Elna Boshoff

Ek gaan raai, en ek hoop ek is verkeerd! Of n boerboel, rottweiler of pit bull??

susan

‘n Kind van 2 is dood dít is tragies maak dit saak watter ras was die hond?

tom

Dis baie sleg en hartseer
Hoekom altyd se dis seker daai ras of daai ras .
wag eers

Marieta

As n ma self en persoon wat n familie lid Ken. Kan net se daai ouers het soveel hartseer nou en dae wat kom. Wat maak dit saak watter hond is dit dit gaan feitlik niks verander nie. Ek dink hulle kort almal se gebede nou…. Kommentaar wat hul probeer ondersteun…

Renier

Innige simpatie met die ouers.