2 sterf in gru-ongeluk

Twee mense het vroegoggend in die ongeluk op die Klipheuwel-pad in die Wes-Kaap gesterf. (Foto: Wes-Kaapse verkeerspolisie)

Twee mense is dood en nog ʼn persoon ernstig beseer in ʼn gru-ongeluk op die Klipheuwel-pad naby Stellenbosch in die Wes-Kaap.

Kenny Africa, hoof van die Wes-Kaapse verkeerspolisie, het gesê die voertuie het kort voor 07:00 reg van voor, naby die weegbrug op die pad, gebots.

Die 29-jarige bestuurder van ʼn Toyota asook ʼn 15-jarige meisie wat saam met haar in die motor was, het op die toneel gesterf.

Die vrou in die ander voertuig is ernstig beseer en is na ʼn hospitaal vir verdere behandeling geneem, het Africa gesê.

Die pad was ʼn tyd lank gesluit terwyl die toneel ondersoek en opgeruim is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Gert van Wierdapark

Kop-aan-kop met sperstreep!! = oorsaak van die ongeluk + spoed!!!! Tragies en SO onnodige lewens verlies!

HAB

Die Toyota is middeldeur,
Dit moes een helse slag gewees het.
Sper strepe waar motors staan?

humor

Een manier wat sal meehelp dat ons minderheidsgroepe sal handhaaf……..bly van die pad af.

leser

simpatie met naasbestaandes
as jy na die skade aan die toyota kyk, kom dit weer by ‘n laslappie kar uit
skeur in die middel uit mekaar, was weer 2 voertuie wat een gemaak is
daardie kar moes nooit op die pad gewees het nie
waar is die wetgewing wat dit moes afgeskryf het

PJC

Die paduirleg daar maak dit uiters gevaarlik. Dit is verbasend dat daar nie meer ongelukke voorkom nie want mense ry hopeloos te vinnig daar vir die omstandighede.